HARSHITHA2013: May 2015

Wednesday, 13 May 2015

Apple- Beet-Carrot Juice

ఎబిసి జ్యూస్‌

కావలసినవి: యాపిల్స్‌ - రెండు, బీట్‌రూట్‌ - ఒకటి, క్యారెట్‌ (మీడియం సైజ్‌ )- ఒకటి, మంచినీళ్లు - అర కప్పు. (జ్యూస్‌ ఎక్స్‌ట్రాక్టర్‌ వాడుతున్నట్టయితే నీళ్లు అక్కర్లేదు.)

తయారీ: యాపిల్‌, బీట్‌రూట్‌, క్యారెట్లను శుభ్రంగా కడగాలి. బీట్‌రూట్‌, క్యారెట్‌ తొక్క తీసేయాలి. జ్యూస్‌ ఎక్స్‌ట్రాక్టర్‌ ఉంటే కనుక అందులో నేరుగా వీటిని వేసి జ్యూస్‌ తీయొచ్చు. అది లేదంటే యాపిల్‌, బీట్‌రూట్‌, క్యారెట్లను తురమాలి. ఈ తురుములో నీళ్లు కలిపి జ్యూస్‌ ఫిల్టర్‌లో వడకట్టాలి. జ్యూస్‌ తియ్యగా కావాలనుకుంటే ఒక టీస్పూన్‌ పంచదార కలుపుకోవచ్చు. అయితే జ్యూస్‌ ఒరిజినల్‌ టేస్ట్‌ ఉండాలంటే పంచదార కలపకపోవడమే మంచిది.
ఈ జ్యూస్‌ను మిక్సర్‌ గ్రైండర్‌లో చేస్తుంటే కనుక ఎక్కువ నీళ్లు కలపొద్దు. నీళ్లు ఎక్కువైతే మరీ పలుచగా తయారవుతుంది.

అవిసెగింజలతో
రక్తపోటుకు చెక్

అవిసెగింజలతో (flax seeds) రక్తపోటును అదుపు చేయవచ్చని ఆస్ట్రేలియాలోని గ్రిఫిత్ యూనివర్సిటీ పరిశోధకులు చెబుతున్నారు. అవిసెగింజలను క్రమం తప్పకుండా ప్రతిరోజూ 30 గ్రాముల చొప్పున తిన్న వారిలో పన్నెండు వారాల వ్యవధిలోనే రక్తపోటు అదుపులోకి వచ్చిందని, ఏడాది వ్యవధిలో గణనీయంగా తగ్గిందని వారు చెబుతున్నారు.

ఇతర ఆహార పదార్థాలతో పోలిస్తే, అవిసె గింజలు తినేవారిలో రక్తపోటు ఆశ్చర్యకరంగా అదుపులోకి వచ్చిందని డాక్టర్ డెల్ఫిన్ రోడ్‌రిగ్జ్ చెబుతున్నారు. ఇదిలా ఉంటే, అవిసెగింజలు తినడం వల్ల రొమ్ముకేన్సర్ ముప్పు కూడా గణనీయంగా తగ్గుతుందని రెండేళ్ల కిందట జరిగిన మరో అధ్యయనంలో తేలింది.